Feb 23, 2015

د وردګو پوهنتون ته ۲۰۰ زره ډالر ټول شوي

1 تبصره

د یوې کمسارې پرمختیا په ترڅ کې د وردګ ولایت ولسي خلکو د پوهنتون جوړولو په هیله تر دې مهاله ۲ سوه زره ډالر ټول کړي دي.
یوشمېر مدني فعالان چې د پوهنتون جوړولو د جرګګۍ غړي دي، وايي د خلکو لېوالتیا تر دې کچې ده چې ځینو ښځو ددغه کار لپاره خپلې ګاڼې پلورلې دي.
د پوهنتون جوړولو عملي چارې پرون پیل شوې او په پام کې ده چې تر یوه کاله يې لږ تر لږه دوه پوهنځي جوړ کړل شي.
مصطفی سالک پرې له کابله راپور لري:
د میدان وردګو پوهنتون جوړولو منښته تېر حکومت کړې وه، خو د نا جوتو شویو لاملونو له کبله یې ودانیز کار پیل نه شو.
ولسي جرګګۍ او یوشمېر مدني فعالان د لګښت او ودانیز کار چارې پر غاړه لري، تر اوسه ۲ سوه زره ډالر ټول کړل شوې دي.
مدني فعال ولي الله شاهین چې د پوهنتون جوړولو په کار کې ښکېل دی، راته وايي چې ولس څنګه د پوهنتون جوړولو پریکړه وکړه:
"دغه پوهنتون به په دوه زره جرېبه ځمکه جوړ شي، د پوهنتون منظوري د مخکیني ولسمشر حامد کرزي د واکمنۍ پرمهال شوې وه، خو دا چې عملي کار یې وځنډول شو، د ولس خلکو وپتېیله چې دوی خپله لاس په کار شي. "
پوهنتون د یاد شوي ولایت په توپ غونډۍ دښته کې جوړېږي چې ۲ زره جریبه ځمکه ورته بیله شوې ده.
د میدان وردګو د ولس هیله ده چې تر یوه راتلونکي کاله پورې لږ تر لږه ددوو پوهنځیو کار بشپړ شي، په واندیزو چارو کې ښکېل مدني فعالان وايي د پوهنتون جوړولو ته لېوالتیا دومره ډېره ده چې ان یوشمېر ښځو ورته خپلې ګاڼې هم پلورلي دي.
د اړوندو فعالانو په وینا کتابتون،د معلوماتي ټکنالوژۍ یو بنسټ او لیلیه هم د پوهنتون برخې دي.
دغه کسان وايي چې حکومت هم د مرستې ژمنه کړې او د استادانو ګمارلو چارې یې وار له مخه پیل کړې دي.
تر دې مخکې په پنجشیر ولایت کې ولسي خلکو په خپلو مرستو سره یو ښوونځی جوړ کړی و.
وړاندې، د ميدان وردګو د سرپرست والي عبدالمجید خوږیاڼي وياند عطاء الله خوږياڼي بي بي سي ته ویلي وو، ''دغه پوهنتون چې ۲۰۰۰ جريبه ځمکه ورته بېله شوې ده د ولسمشر د لارښوونې له مخې د ودانۍ د جوړېدو چارې به يې په يوه کال کې بشپړې شي''.

په ميدان وردګو کې ٤٥٠ ښوونځيو او تعليمي مرکزونو کې ١٧٢٨٩٢زره نجونې او هلکان په زده کړو بوخت دي، چې له دې ډلې يې ٤٤٧٩١ن جونې دي.
د افغانستان په ۳۱ ولایتونو کې پوهنتون او یا د لوړو زدکړو موسسې شتون لري.
یوازې په نورستان، زابل او وردګو کې لا هم د لوړو زړده کړو امکانات نه دي برابر شوي.
وردګ ولايت د كابل په لوېديځ كې پروت دى، چې د كابل- كندهار لويه لار پكې غځېدلې ده.
دغه ولايت په ۱۳۴۳ لمريز كال كې د ځانګړي ولايت په توګه منل شوى.
‎وردګ ولايت اوس مهال اته ولسوالۍ لري (سيد آباد، جغتو، چک، دايميرداد، جلرېز، نرخ، بهسود مركز او بهسود لومړۍ حصه).
په ميدان وردګو کې ٤٥٠ ښوونځيو او تعليمي مرکزونو کې ١٧٢٨٩٢زره نجونې او هلکان په زده کړو بوخت دي، چې له دې ډلې يې ٤٤٧٩١ن جونې دي.
ددغه ولايت ٢٣١ ښوونځي ودانۍ نه لري، چې د پوهنې وزارت له خوا يې د جوړېدو ژمنه شوې ده.

1 comment:

  1. Flaky separation results when the two supplies cannot correctly bond to each other|to one another}. For example, you would possibly combine a common base plastic like acrylonitrile butadiene styrene with an incompatible plastic, such as polypropylene . The resulting lack of power of the material can be very dangerous if your part is meant for a safety-critical use. If you discover thin layers on the surface of a molded part are easily separating or peeling off the underlying materials, you’re seeing a molding defect referred to as delamination. Delamination is a defect characterised by a flaking Fishnet Stockings surface layer, similar to what you’d generally discover on flake mica.

    ReplyDelete